اوكير فارس تدريس الرياضيات التطبيقة بلا منازع من بين من درسنا على ايدهم في اسكول, لعله الدكتور الوحيد الذى يصحح للطلاب ولا يستعين بمساعدى التدريس دقيق جدا , لا يوجد طالب في ايامه لم يسمع باوكير صنع لطلابه ذكرايات طبعت لم تنسى بمرورو الايام والسنين نتابع ما قال طلابه اجابة على بوست هدي الرشيد , حين سالت ناس اسكووول… دكتور اوكير الماحضر محاضرتو منو والسقط في امتحانو منو بي صراااحه 🤣🤣🤣
عبير احمد ممتع ممتع ومريح ومنظم وطيب وحكاي وتقعد معاهو تتمنى الزمن م يمشي.. لسه متذكرة قعدتو معانا ف المكتب ف الشؤون العلمية..
ربنا يرحمه ويغفر رحمة واسعة
مناهل عبداللطيف د.اوكير الذ حاجة كان يصحح الميدتيرم و ينزل الدرجات في البورت و يصحح بالكسور يعني 4 و نص و واحد و نص و هكذا
😂😂أيام ياخ❤ كنا بنقول أفهم ما تيسر و أحفظ ما تعسر بناااادوووكم 🤣🤣🤣
Musab Alameen Hassan Alhag Niema Shaddad Rowa Mhmd
رد مصعب الامين علي البوست منو انا.. لو سمحتي نحنا ادانا فاااي
عشان الصفر دا لي الناس الحاولت.. حبيبنا الراجل دا
رزاز مختار اوكير كان درسنا مادتين في ثانية معادلات تفاضلية 1م2 اكتر أستاذ في ثانية كنت يفهم منو. خوف ساي من كلام السناير عنو ما بفوت اي كلمة بقولا في المحاضرة يتذكر بعد النتيجة حقت الفاينل قال لي جيتي شنو في المادتين قلت ليو النتيجة حقتي قال لي أبدا انا متأكد من نتيجتك ما كدا جايبه أحسن من كدا ونزل معاي البورت لقيت انا قارئة أسماء المواد غلط لحدي اسي مستغربة هو بتذكر كيف
صفوية والله يا حليل زمان تتذكري لمن قال الغريبة اكبر درجة جايبها بنت من إحصاء وقعدتا اقول مالم ناس إحصاء
الطيب فضل الباري اكتر دكتور مخلص ولو مانجحك بتكون رضيان وماتلوم الا نفسكمرة شيلني معادلات تفاضليةوفي الملحق قريتها قراية رهيبة واي حاجة بتغلبني بشرحها لي في المكتب في الحوش اها بقى اعرفني يوم اعلان نتيجة الملحق لاقاني A قال لي اها نجحت؟قلت ليه وكمان جبت A قال لي اصلو ماممكن انا بطالب باعادة تصحيحهههههههه ياخي دخل فيني خوفة لسة مامرقتلانه عادي ممكن اعملها
اظن ان منهال المبارك دخلها خوف شديد حيث علقت قائلة
Rayyan Ibrahim Idrees تتزكري لما جا جنبي وقال لي تاني م تحلى بالرصاص 😂😂
هيام ميرغني د. اوكير من اعظم الشخصيات ف عالم الرياضيات ف السودان وتبقى محظووووظ لو درسك ف يوم من الايام، بالنسبة لي فخامة اسكول جاية من وجود أساتذة زي د. اوكير عنده طريقة مختلفه وروح مختلفه وحتى الرياضيات عنده مختلفه لانه بيخليك تحس انه كل حاجه ف الدنيا منظومة من مفاهيم ومعادلات رياضية حتى الدين ، كل ما نمشي ليه ف مكتبه ف الساعات المكتبية كان بيتحفنا بقصص ومعلومات وكلام ما بتسمعه الا منه لانه زول موسوووووعه، انا درسني 3 كورسات اول واحد كان دوال خاصة ف تالته ورغم كل الرهبة الورثوها لينا السناير منه كأستاذ ومن مادته جبت A طبعا ما بالصدفه لكن اجتهدت ليه كتييير ومن ديك بقى حافظني.. كمان من الحاجات البتميزه عنده ذاكرة حديديه “ماشاء الله” وده الخلاه يتابع طلبته يعني بكون عارف الاسماء ومستواهم وبتعمل ف شنو ف حرم الجامعه “هههههههههههه” وكل التفاصيل، انا قريب لاقاني بالصدفة ف البنك سلم علي بحرارة وقال لي “وينك ي بت السنغال اها عملتي دكتوراه ولا لسة الزمن الزمن” طلعت وانا بفكر ف انه لسه بيتذكرني “فرحت”… وبغض النظر عن كل الكلام عن انه صعب او امتحاناته صعبة او طريقته ما مفهومة فهو شخصية متميزة فريدة غير عادية وجوده ف حرم اسكول وخصوصا ف قسم الرياضيات خلى ل اسكول عبير وعبق ونكهة خاصة وف الحقيقة هو اضافه لجامعة الخرطوم ككل وللتعليم العالي،،،، للاسف حاليا هو بعيد من اسكول و الجامعه لأسباب ما واضحة لينا بنتمنى انها تزول ويرجع للاراضي الاسكولية لانه بعد ما خلاها “بيت الفريق اصبح خلاء” . ح استغل المناسبة دي واقول اي زول حابي يغوص ف اعماق محيطات الرياضيات يمشي ل د. اوكير……. كل الحب والتقدير لك د. اوكير ربنا يديك الصحة والعافية وتظل قامة ومنارة من منارات اسكول رحمه الله رحمة واسعة واسكنه فسيح جناته…
حسانة عبد المجيد ياحليلو جنو اللعوتة وناس اللعوتة وكان ضاريني بي زاكرتو الحديدية دي كل ما ادور أضاير منو ماقدرت
هديل خالد كرار
لاقيناهو مرة انا و Waleed Sidahmed ماشي برجلينو في شارع الجمهورية وقفنا وسلمنا عليهو سلم علينا باسماءنا وطلع عارف كل واحد مننا شغال وينالكلام دة بالمناسبة بعد اكتر من 10 سنين من اتخرجنازول عجيب😍😍ربنا يديهو الصحة والعافية (رحمةالله تغشاه في قبره )
رنا منصور طبعا عادة هو مابدرس ناس اي تي لانهم حمااام ساي وماعندهم ماث ، اها جابوهو لينا ونحن برالمه ف سمستر توو، طبعا انا كنت بسمع بي انه زول خطر وانا ما بؤمن بكلام الناس الا اجرب برااااي ، واصلي عاد ماشفت ليو خطوريه ف المحاضره ولابره المحاضره، جوه لطيف وبره ونااااااس ،، اها جات المدتيرمات، اسمي في البورت مع الساقطين بشرف 1.5/20 😱😱😱😱جانا اول محاضره بعد صحح المدتيرمات بشرح حاجه وبقول مازي كتبت فلانه ف المدتيرم، حسسنا انو حفظ ورقنا حفظ 😭😭😭😭طواااالي قلت يا رنا اقنعي وشوفي ماده غيرها، نتيجة اولى طلعت فيها تمنيه مواد A ومادة اوكير محكره في نصهن A😍😍😍😍المهم في شفره ماعرفتها غايتو 🤔🤔
يحكى حسن الجاهز عن دكتور اوكير طيب الله ثراه قائلا
طبعا اسمه الحقيقي د.ابراهيم سعيد اوكير المهم الرجل دا مرة لاقيتو وانا كنت شغال في بنك الخرطوم .. ف قام قال لي شغال شنو انت ف قلت شغال مصرفي .. ف قال لي أيوة أيوة الرياضيات المالية علم ماشي لقدام ف دي حاجة كويسة المهم في النهاية قال لي لازم كل عشرة سنة الواحد يغير تخصصه قال لي عندي زملاني بتاع رياضيات بحتة شغال في شركات الطيران لانه عملية الtake off والlanding فيها معادلات معقدة جدا هههههههه قام ضحك وقال لي انا غلطت لانه بقيت شغال تدريس لكن انت ما تغلط هههههههههههه ومشي طوالي
د. اوكير مشكلته واااحدة وهي أنه في الامتحان لو جاب ليك مسألة من الدفتر بي حزافيرها برضو بتحلها غلط ههههههههه مع انه بتكون حافظها هههههه لانه بيكون عندك شك انه غير فيها رقم ولا حاجة ف كل الناس بتركب ماسورة ههههههه وفي مناقشة النتيجة بيقول الامتحان كان من الدفتر ههههههههه #اوكير_زول_كله_خيرمرة
كانت معانا دفعتنا اسمها ثويبة في كورس د.اوكير المهم بعد تنتهي المحاضرة بيقوم يشيل الحضور ف بينده بالنفر ايوة ايوة حسن ايوة فلانة ايوة سويبة ههههههه معليش مفروض اطلع لساني برة هههههههههههههد.
اوكير اكتر ناس درسنا نحنا تقريبا خمسة مواد طبعا عنده كورس اسمه امواج نحنا اول دفعة نقراهو .. ياخ المعادلات في الترقيم وصلت لحدي المعادلة 76 ….. وفي الاثباتات بس يقول عوض المعادلة 32 في المعادلة 50 تدينا المعادلة 51 هههههههههههههه بالطريقة دي وصلنا 76 معادلة ولسسسه الموجة عايمة هههههههه.. كان كورس مأساوي
اسراء ابراهيم
مرة لقيتو في حوش الكلية وهو ماشي وانا جارية وراه عايزاه يقيف فناديتو يا دكتور يا دكتور ،قام وقف انتظرني قال لي تاني ما تنادي استاذ وانتي وراهو 😂😂😂 الا تجي قدامو
مرة مشيت ليهو في المكتب اسألو في يوم الساعات المكتبية ونسني وحكى لي قصص كتيرة واهداني كتابين جابهم من معرض الكتاب قال لي اختاري من الكتب دي ❤ كلما اشوف الكتب بدعي ليهو❤
يتبع باذن الله مقالات حكاوي اوكير رحمه الله تعالى