يحكى مصطفي وهبي عن موقف له مع الشهيد الدكتور اوكير رحمه الله رحمة واسعة
سنة تانية كنت مقصر شديد في الحضور و لا مبالي اكاديميا و الجامعة كانت بالنسبة لي فقط ملاقاة الشلة. يوم لقاني قاعد براي جاني و قال لي يا مصطفى توفيق كيفك. انا شايف انك تشد حيلك شوية عشان السنة دي خطرة و ما تضيع زمنك عشان ما تندم. قالها لي طبعا بي طريقتو اللطيفة و مهذبة و انا ما كنت عارف انو أصلا بعرف اسمي لاني ما بحضر المحاضرات . أنا احترمت كلامو لكن برضو ما قدرت اجتهد و هو طلع ملاحظ. يوم نازل من ابوي من العربية جنب باب الكلية شكلو شافني من بعيد طلع بسرعة من الكلية و جا سلم علي و علي ابوي و قال ليه مصطفى السنة دي انا ما عاجبني وضعو و حاول انصحو و لو عندو مشكلة خليه يجيني وطبعا قال الكلام بي حسن نية و تهذيب فأخدت طبعا محاضرة في البيت و بعدها تاني حاولت اجتهد و برضو بعد فترة رجعت لي حالي. نهاية السنة ما عديت و اتذكرت كلامو و بعدها مشيت عديل لحدي ما تخرجت. دة اهم موقف لي مع المرحوم.
نواصل حديث الطلاب عن اوكير في بوست هدى الرشيد
-**ميرفت النيل: رغم الرهبة العظيمة جبت ليه بي في الملحق وانه شي لو تعلمون عظيم 😀 في امتحان الميدتيرم طالعين من الامتحان أشر لينا على مسألة قال لينا دي مسألة هدية من المرجع التاني (المرجع 2 في المدتيرم وهدية؟! الله يديك العافية يا دكتور لما ألاقيهو بحس انو دي سكول كدا الهيبة و متعة العلم والتعب والتقطع ، مرة لاقيتو في المواصلات قال لي الدفع الجات هسة دي ما زيكم ما ناس رياضيات أنا لو ما متأكدة انو ما بغلط في زول كان ذكرتو 😀 مرة برضو كنا في بداية تالتة وقاعدين في صف كدا في القاعة كمية من الدفع القديمة قام لما جاء جنبنا قال لينا اووو المخضرمين 😀 بالجد دكتور جميل وعظيم مع الهيبة المعينة د. أوكير دا أنا بحبه شديد <3 <3 —
**ايلاف عماد** ربنا يطراه بالخير د.أوكير طبعا بحكم انه السناير بخوفوك وبتاع كان عندنا منو رهاب عديييل كده المهم هو شخصية جميلة جدا رغم خوفنا منه😹 وبتميز بذاكرة حديدية ماشاء الله. درسنا دوال ف سنة تانية والمهم بعرفني بالاسم يوم لاقاني ف هندسة ويوم لاقاني ف علوم ومرة لاقاني ف الشارع اها اخر مرة دي كانت الكارثة لاقاني ف معرض الكتاب اول ماشافني قال لي اوووو حوامة الدفعة😹😹😹😹 من اليوم داك م بناديني بإسمي بقول لي حوامة الدفعة💔😹 بعد ده شلت المادة بتاعتو ملحق م كنت ناقشة شئ 💔😹💔😹😹 الله يطراه بالخير وينفع بيه زعلنا لما بقى م يدرس ف الكلية —
شهد نادر من كلامه في المحاضرات: “الخط المستقيم أقرب مسافة بين نقطتين، عشان كده يا بناتي لمن تجو تقطعوا الظلط ركزوا على النقطة المقابلة ليك، ما تركزي على الدكان الماشة ليه وتقطعي بشكل مائل ومتعرج، كده احتمال تضربك عربية أكبر بكتتير 😃” —
إسراء عبد الوهاب بلال الله يطراه بالخير، غايتو انا اتادبت أدب خوف ساي، بقرا درس اليوم باليوم، و الحمد لله والشكر لله باص في الميدتيرم و الامتحان. بعدين عنده حاجه جميله كان بيبربط لينا مادته الدوال الخاصة بتطبيقاتها شنو في المجالات المختلفة. ربنا يمتعه بالصحة والعافية (له الرحمة والمغفرة)
امال جمجوم
انا كان مره في الميدتيرم جبته درجه بسيطه شديد مابتزكر كم المهم مانجاح في المتيرم ف قال لي لو ماشديتي حيلك في الامتحان الكبير ما بتنجحى ف كسرته رقبتي في الماده ونجحته 😅سبحان الله ايااااام له الرحمه والمنزل الحسن
repeatندى محمود مرة دفع لي في المواصلات..❤️بالرغم من اني كنت
Aفي السنة الدرسني فيها… خلعة ساي جبت
.. هو زاتو اتخلع😂😂😂😂😂وم نساني لحد الان..
رحمة الله تغشاه في قبره
عكاشة نصر : صديقي .والعجب الونسة في المكتب.. ولا تناقشو في مسألةمن أميز الأشخاص بالجامعة. ومن أميز من علمني ودرست على يديه بالجميلة ومستحيلة
وجدي مبارك من افضل الدكاترة في الجامعة والله ♥، درستا معاه كورس واحد وشلتا مادتو الحمدلله ✋😂
الاء الخاتم احمد
احللللى أستاذ ياخ … كنت بخاف منو 😂😂 ومحاضرتو معانا كانت 8 أظن ف كنت بجى بدرى شديد وبقعد في نصصص القاعة كدا بحس بالأمان وانو ماحيشوفني 😂😂💔، مرة في نص المحاضرة كدا وهو حايم بشيل الاتندنس بالبنش سالنى انتى من وين ، ياخ خفت خوف 😂😂😂😂 لما غلبني ارد لما وريتو حكى لي قصة شاعر قال مشهور من نفس حتتنا وانو كان بكتب شعر في غنمو 😂😂 قال لي أسألى منو أبوك بكون بعرفو .. وبقي بقول في شعر … لاقيتو قبل اسبوع في كافتيريا شعبي سلم علي واتووونس معاي قال لي ناس اسكول صح ؟! 😂ماشاءالله ذاكرتو قوية 💕 الله يديهو العافيه ياخ الأهم من دا كلو انو نجحت في مادتو كنت الحمدلله 😍😂😂 😂
شهد التاي
أهو الناس كانت بتخاف من الدومة أنا كنت بخاف من أوكير، عشت معاهو أيام صعبة في سنة رابعة و كنا كلنا ١٥ في القسم أظن الله يطراهو بالخير 😅😅، كنت بزوغ منو في الكلية عشان ما يناديني
مواهب سيد احمداوكير الدكتور الوحيد الجيتو قبل ٨ص .ربنا يمتعه بالصحه والعافيه والحمدلله كنت بنجح ياخ
ايمان الشمباتي الذ شخصيه في اسكول ولا لمن فجأه اسالك او اوديك المكتب معاهو ويسال الدنيا بضيق بيك هههه
رؤى الحق
ياسلام يا انسان بشوش والطيبه في وشو رغم صعوبة امتحاناتو
ايمان النور
مرة كنت فى سنة تانيه ولكشر اوكير معروف مافى زول يدخل بعدو ولا يدق ليهو الباب وكان بعد يقفل الباب بقفلو تانى بى كرسى من جوه عشان لو زول حلول يدخل الكرسى يعمل حركه فجيت مع الزمن جاريه لقيتو بقفل فى الباب والكرسى وقع منو بكل ظرافه رفعت ليهو الكرسى قال لى شكرا ليك لكن برضو مابتدخلى🤦💔 لاعرفت ابكى ولا اضحك🙈
رحمة الله تغشاه في قبره
هناء التجاني عاصم
د. ابراهيم اوكير اكتر دكتور بيكيفني ف شرحو والله وبالجد مبسوطه شديد انو قراني من الدكاتره الزول بيفتخر انو قراه #All_respect 😌
الاء عثمان
دكتور الرععععب 😂😂😂😂😂😂. ياخ موادو جد رعب والعحب انو يخش ويقفل الباب ده براهو موضوع مرة انا جاريه من النفق لاسكول الصباح عشان احصل ولمان قربت المدخل شايفاه ماشي لقاعه عبيد ختم وزدت الجريه حصلت دخلت معاه كان في ولدين ماشين علي راحتم وانا جيت جاريه بجمبهم انا دخلت لنا وصلو قفل الباب في وشهم 😂😂😂😂😂😂😂😂😂 الله يديهو الصحه والعافيه
رحمة الله تغشاه في قبره
كاجول كاجول
ياسلاااام نفسي اعرف اخبارو يارب يكون بخير مرة جاية من الفتيحاب وقلت ما بحصل ركبت امجاد وقلبي مقطوع بعد وصلت دقيت الباب عمل حركة بي يدو انا فهمت انو قال لي ما تدخلي طوالي مشيت لاقاني اخر اليوم قال لي مالك ما دخلتي طبعا المغصة شقتني
مروة حسين الشايقية
د. اوكير يالله بتذكر درسنا في تانيه كنا بنخاف منو شديد هههههه مرة كان عندنا مدتيرم وقامت الكهربا قطعت في الداخليه وماخلينا لينا زيت ولا شمعه ما ولعاناها نقرابيها والمضحك في الموضوع بعد داك انو أبا يطلع النتيجه لانو ماكان في زول ناجح ليه في الامتحان هههه. لكن الفاينل الحمد لله نجحت وتاني مالاقاني Kajol Kajol
تقوى محمود
كنت فاكره اني شايلة مادتو مشيت ليهو ابكي كتب فيني ابيات شعر 😂❤️
ملاذ الحمدي
قروش الاسبوع كلها كانت بتضيع في يوم واحد لي بتاع الامجاد عشان اقدر احصل محاضره الساعه 8 حقت د.اوكير💔💔💔💔
ابراهيم بشير كلية العلوم
نحنا في كلية العلوم درسنا أيضا حقيقة خطير. ..أدروب وعجيب. ..فعلا إلكترونية قوية كان بعد التخرج عندي اخوي الأصغر جبتو لاسجل له في الكلية ()اسكول ()..ناداني باسمي وقال لي كلكم رياضيات الحاصل شنو ههه
اغابي ابو صافي Aghape Abu-Safi
. أتذكر أول مرة يسمع اسمي طلب مني أعيده كم مرة، وبعد فترة بسيطة من الزمن لقيته بيقول لي معنى اسمي في أكثر من لغة، وأنه يوجد قناة في التلفزيون تحمل الاسم، وفي اختلاف في الاستهجاء بين أنا بكتبه والقناة، وأنه الطريقة البكتبه بيها هي الصح في القاموس اليوناني والإنجليزي. وكمية من التفاصيل خلاني رجعت للقاموس واتعرفت أكتر على اسمي… كان مثالًا حقيقيًا للعلم والعطاء بدون مقابل والأمانة. فخر لكل من عرفه، أدى رسالته بكل قوة وأمانة ومحبة. سيظل لنا قدوة نقتدي بها وتحكي به الأجيال
سماح الجلال
الف رحمه ونور عليه فقد كبير لايعوض وحزن ملأ قلوبنا بالرغم من البعد عن الجامعه لاكتر من ١٠ سنين ولكن يظل معلمينا ودكاترتنا جزء عزيز من قلوبنا….اللهم ارحمه بقدر ماقدم من جهد وبقدر كل الاحترام الذي نكنه له نحتسبه من الشهداء …انا لله وانا اليه راجعون
, نشكر هدى الرشيد على البوست وكل من علق وشارك , للاطلاع البوست